اسلام آباد : این سی او سی سربراہ عبدالقادر پٹیل نے کراچی سمیت سندھ میں کورونا کیسز میں اضافے کے پیش ںظر ٹیسٹنگ اور کنٹیکٹ ٹریسنگ بڑھانے کا فیصلہ کرلیا۔
تفصیلات کے مطابق کراچی سمیت سندھ میں کورونا کیسز میں اضافے کے پیش ںظر این سی او سی سربراہ وزیر صحت عبدالقادر پٹیل نے این سی او سی کو محکمہ صحت سندھ سے رابطےکی ہدایت کردی۔
عبدالقادرپٹیل نے کہا کہ این سی اوسی ٹیم ملکر کراچی میں مربوط حکمت عملی طےکرے اور کراچی میں کورونا کنٹرول کیلئےصوبائی سطح پر حکمت عملی بنائی جائے۔
وزیر صحت کا کہنا تھا کہ کورونا کنٹرول کے لیے ٹیسٹنگ اور کنٹیکٹ ٹریسنگ کوبڑھایا جائے اور ایس اوپیزپرعملدرآمد ،ہجوم والی جگہوں پرماسک کااستعمال یقینی بنایاجائے۔
یاد رہے ملک میں کورونا کے پھیلاؤ میں تیزی آگئی ہے اور کراچی میں کورونا کی شرح بلند ترین سطح پر پہنچ گئی ہے۔
چوبیس گھنٹے کےدوران کوروناکے دومریض انتقال کرگئے جبکہ کورونا کے مزید تین سو تینتیس کیس رپورٹ ہوئے ، اس دوران کورونا کیسز کی شرح دو اعشاریہ چار دوفیصدرہی۔
