The news is by your side.

Advertisement

ملک میں کورونا کے مزید 92 مریض چل بسے، این سی او سی رپورٹ

اسلام آباد : پاکستان میں گزشتہ 24 گھنٹوں کے دوران کرونا وائرس کے 2 ہزار سے زائد نئے کیسز رپورٹ ہوئے، کرونا وائرس سے 92مریض جاں بحق جبکہ مجموعی اموات کی تعداد 20 ہزار500کے قریب پہنچ گئی۔

اسلام آباد : پاکستان میں گزشتہ 24 گھنٹوں کے دوران کرونا وائرس کے مزید 3 ہزار سے زائد نئے کیسز رپورٹ ہوئے، کرونا وائرس سے مجموعی اموات کی تعداد 20 ہزار سے تجاوز کر گئی۔

تفصیلات کے مطابق نیشنل کمانڈ اینڈ آپریشن سینٹر نے اپنی تازہ رپورٹ میں کہا ہے کہ گزشتہ 24 گھنٹوں کے دوران کرونا وائرس کے مزید 92مریض انتقال کر گئے جس کے بعد کورونا وائرس سے مجموعی اموات کی تعداد 20 ہزار 400 ہوگئی۔

این سی او سی کا کہنا ہے کہ گزشتہ 24 گھنٹوں کے دوران کرونا وائرس کے 2 ہزار 253 نئے کیسز رپورٹ ہوئے، ملک میں کوویڈ 19 کے مجموعی کیسز کی تعداد 9 لاکھ 4 ہزار تک جا پہنچی ہے۔

ملک میں صحت یاب مریضوں کی مجموعی تعداد 8 لاکھ 20 ہزار 494 ہوچکی ہے۔

گزشتہ 24 گھنٹوں کے دوران کرونا وائرس کے 46 ہزار 726 ٹیسٹ کیے گئے، اب تک ملک میں 1 کروڑ 28 لاکھ 78 ہزار 528 کوویڈ19 ٹیسٹ ہوچکے ہیں۔

این سی او سی کا کہنا ہے کہ گزشتہ 24 گھنٹوں میں ملک بھر میں کرونا وائرس کے مثبت کیسز کی شرح 4.82 فیصد ہوگئی، ملک بھر کے 631اسپتالوں میں کرونا وائرس کے 4 ہزار 743 مریض تشویشناک حالت میں ہیں۔

 

Comments

یہ بھی پڑھیں