The news is by your side.

Advertisement

این سی او سی کی انسداد خسرہ و روبیلا مہم کے بعد کورونا ویکسینیشن میں تیزی لانے کی ہدایت

اسلام آباد : نیشنل کمانڈ اینڈ آپریشن سینٹر نے انسداد خسرہ اور روبیلامہم کے بعدکورونا ویکسینیشن میں تیزی لانے کی ہدایت کردی۔

تفصیلات کے مطابق وفاقی وزیراسد عمراورلیفٹیننٹ جنرل ظفراقبال کی زیرصدارت این سی اوسی کا اجلاس ہوا، جس میں کورونا کیسز کی صورتحال اور ویکسینیشن مہم پر غور کیا گیا۔

این سی او سی نے فریقین کو ویکسینیشن میں تیزی کیلئے اقدامات کی ہدایت کرتے ہوئے کہا انسداد خسرہ،روبیلامہم کے بعدکورونا ویکسینیشن میں تیزی لائی جائے۔

اجلاس میں این سی او سی نے نیشنل ویکسین اسٹریٹجی پر تفصیلی غور کیا اور صوبوں کو بڑے پیمانے پر کوروناویکسینیشن کیلئے تیاریوں کی ہدایت کردی۔

این سی او سی کو بریفنگ میں بتایا گیا کہ کورونا ویکسینیشن کال سینٹر، چیٹ بورڈقائم ہوں گے ، کال سنٹر،چیٹ بورڈویکسینیشن کیلئے شہریوں سے رابطہ کریں گے۔

Comments

یہ بھی پڑھیں