نئی دہلی: بھارت کی دوسری بڑی جماعت کانگریس کے رہنما نے اپنے ملک کی کھوکھلی جمہوریت کو بے نقاب کرتے ہوئے اعتراف کیا ہے کہ بھارت اب جمہوری ملک نہیں رہا۔
فریڈم ہاؤس اور وی ڈیموکریسی نامی غیرسرکاری عالمی تنظیموں کی جانب سے جاری کی جانے والی سروے رپورٹ کا حوالہ دیتے ہوئے کانگریس رہنما نے اس بات کا اعتراف کیا کہ بھارت میں اب جمہوریت نام کی چیز نہیں ہے۔
واضح رہے کہ گزشتہ دنوں امریکی تنظیم فریڈم ہاؤس کی جانب سے جمہوریت کے حوالے سے رپورٹ جاری کی گئی تھی۔ جس میں بتایا گیاتھا کہ بھارت اب آمریت والا ملک بن چکا ہے جہاں سے جمہوریت ختم ہوگئی۔اس رپورٹ میں بھارت کو بنگلہ دیش سے بھی بدتر ملک قرار دیا گیا۔
مزید پڑھیں: نام نہاد بھارتی سورما پاکستانی جھنڈوں کے غباروں سے خوفزدہ
بعد ازاں سویڈن کی غیرسرکاری تنظیم وی ڈیموکریسی نے بھی بھارت میں جمہوریت کی صورت حال پر تشویش کا اظہار کیا۔ اس رپورٹ میں تنظیم نے لکھا کہ ’بھارت کو اب انتخابی آمریت والے ممالک کی فہرست میں شامل کرلیا گیا ہے‘۔
India is no longer a democratic country. pic.twitter.com/iEwmI4ZbRp
— Rahul Gandhi (@RahulGandhi) March 11, 2021
رپورٹ میں بتایا گیا ہے کہ بھارتی حکومت نے آزادی اظہار رائے اور حقیقی صحافت کو محدود کردیا جبکہ ہتک عزت اور بغاوت کے قوانین کا استعمال بے گناہوں اور سیاسی مخالفین کے خلاف کیا جارہا ہے۔
