The news is by your side.

Advertisement

کورونا وائرس ،این ڈی ایم اے کا مقامی مارکیٹ سے حفاظتی سامان کی خریداری کافیصلہ

اسلام آباد : نیشل ڈیزاسٹر مینیجمنٹ اتھارٹی (این ڈی ایم اے) نے کورونا سے بچاوُ کیلئے مقامی مارکیٹ سےحفاظتی سامان کی خریداری کافیصلہ کیا ہے،ترجمان نے بتایا کہ این 95 ماسک کے علاوہ باقی سامان پاکستان میں ہی تیار ہورہا ہے۔

تفصیلات کے مطابق نیشل ڈیزاسٹر مینیجمنٹ اتھارٹی (این ڈی ایم اے) نے کورونا سے بچاوُ کیلئے مقامی مارکیٹ سےحفاظتی سامان کی خریداری کافیصلہ کرلیا ہے ، فیصلہ ملکی صنعت کی ترقی اور کاروبار کے تحفظ کےلیےکیا گیا۔

ترجمان این ڈی ایم اے کے مطابق این 95 ماسک کے علاوہ باقی سامان پاکستان میں ہی تیار ہورہا ہے۔ این 95 ماسک کی اپریل سے ایک لاکھ پیدوار شروع ہو جائے گی

این ڈی ایم اے کا کہنا تھا کہ مطلوبہ معیار اور مقدار کے مطابق سامان فراہم کرنےوالےہماری ترجیح ہیں ، کوئی کمپنی مقامی سطح پراین 95 ماسک بنانا چاہے تو اس کی معاونت کریں گے،ترجمان

ترجمان نے کہا کہ مقامی پیداوارسےسامان کاحصول معاشی استحکام میں معاون ثابت ہو رہاہے، مقامی مارکیٹ سےسامان نہ ملنے یا معیار کے مطابق نہ ہونے پر باہر سے خریدا جائے گا۔

Comments

یہ بھی پڑھیں