The news is by your side.

Advertisement

بھارت میں پھنسے 200 پاکستانی وطن واپس پہنچ گئے

لاہور : بھارت میں پاکستانی ہائی کمیشن کی محنت رنگ لے آئی، لاک ڈاون کے دوران بھارت میں پھنسے 200 پاکستانی واہگہ بارڈر کے راستے پاکستان پہنچ گئے۔

تفصیلات کے مطابق کرونا وائرس کے باعث بھارت میں پھنسے 200 پاکستانی شہری وطن واپس پہنچ گئے ، پاکستانی شہریوں کی واپسی کے  لیے پاکستان کی جانب سے واہگہ اور بھارت نے اٹاری بارڈر کو ایک روز کے لیے خصوصی طور پر کھولا گیا۔

پاکستانی شہری لاک ڈاون سے قبل بھارت گئے تھے، لاک ڈاون کے باعث پاکستانی شہری بھارت کی مختلف ریاستوں میں پھنس گئے تھے، پاکستانی شہری گجرات، مہاراشٹر، مدھیہ پردیش، دہلی اور راجھستان میں پھنسے ہوئے تھے۔

دو سو پاکستانیوں کی واپسی بھارت میں پاکستانی ہائی کمیشن کی کوششوں کی وجہ سے ممکن ہوئی۔

اس سے قبل رواں سال 28 مئی کو کرونا وائرس کے باعث لگائے گئے لاک ڈاؤن کی وجہ سے بھارت میں پھنسے 179 پاکستانی، واہگہ بارڈرز  کے ذریعے وطن واپس پہنچ گئے تھے، ،تمام پاکستانی عزیزواقارب سےملنےکیلئےبھارت آئے تھے۔

خیال رہے بھارت میں کورونا وائر س سے متاثرین کی تعداد 38 لاکھ سے تجاوز کرگئی جبکہ 67 ہزار سے زیادہ افراد لقمہ اجل بن چکے ہیں۔

Comments

یہ بھی پڑھیں