این ای ڈی کےطالب علموں نےفارمولا اسٹائل ریسنگ کار تیارکرلی -
The news is by your side.

Advertisement

این ای ڈی کےطالب علموں نےفارمولا اسٹائل ریسنگ کار تیارکرلی

کراچی : این ای ڈی یونیورسٹی کے طالب علموں نے فارمولااسٹائل ریسنگ کار تیار کرلی، کار اگلے ماہ اٹلی ریسنگ سرکٹ میں حصہ لے گی۔

این اے ڈی کے طالب علموں کی تیار کردہ فارمولا ون ریسنگ کار اٹلی کے ریسنگ سرکٹ پر دوڑی گی، پہلی مرتبہ اطالوی سرزمین پر پاکستانی پرچم لہرایا جائیگا،یہ مقابلہ اٹلی میں 22 جولائی سے 25 جولائی 2016 ء تک منعقد ہو گا، جس میں دنیا بھر کی جامعات کے طالب علم حصہ لے رہے ہیں۔

گورنر سندھ ڈاکٹر عشرت العباد نے فارمولا اسٹائل ریسنگ کار کی رونمائی کی، انکا کہنا تھا کہ دنیا بھر میں ثابت ہوجائیگا کہ پاکستانی طالب علم کسی سے پیچھے نہیں ہیں۔

انھوں نے کہا کہ اس مقابلہ میں حصہ لینے والی پہلی سرکاری جامعہ قرار پانے پر این ای ڈی کے طالب علم مبارک باد کے مستحق ہیں، جن کی کاوشوں سے این ای ڈی کو یہ اعزاز حاصل ہوا، این ای ڈی یو نیورسٹی نہ صرف پاکستان بلکہ بین الاقوامی سطح پر انجینئرنگ اور ٹیکنالوجی کی تعلیم کے شعبہ میں نمایاں مقام رکھتی ہے اور اس سے فارغ التحصیل طالب علموں کو قدر کی نگاہ سے دیکھا جاتا ہے ۔

گورنر سندھ نے کہا کہ اس مقابلہ میں شرکت سے بین الاقوامی سطح پر پاکستانی طالب علموں کی صلاحیتوں کا اعتراف ہوگا ۔

بعد ازاں گورنر سندھ نے فارمولا ریسنگ کے لئے تیار کی جانے والی کار کو اسٹارٹ کرکے اس کی باقاعدہ رونمائی بھی کی اور اس کی خوبصورتی اور تیز ترین اسپیڈ کی تعریف کرتے ہوئے کہا کہ این ای ڈی کے طالب علموں نے واقعی ایک منفرد کار نامہ انجام دیا ہے مجھے امید ہے کہ یہ کار فارمولا ریسنگ میں سب سے منفرد ثابت ہوگی

فارمولا ایس اے ای ایک ایسا مقابلہ ہے، جسمیں میں دنیا بھر سے انجیئنرنگ کے نوجوان طلبا کو میکانیکل کار ڈیزائن کا چیلنج دیا جاتا ہے۔ ڈھائی سو ٹیموں میں پہلی مرتبہ پاکستان کا نام بھی شامل ہے۔

Comments

comments

یہ بھی پڑھیں