بیرسٹر گوہر نے کہا ہے کہ فی الحال کوئی مذاکرات نہیں ہو رہے، جب بھی مذاکرت کے حوالے سے بات ہوئی ہم نے تعاون کیا ہے۔
تفصیلات کے مطابق چیئرمین پی ٹی آئی بیرسٹر گوہر نے پارلیمنٹ ہاؤس کے باہر میڈیا سے گفتگو کرتے ہوئے کہا کہ بانی پی ٹی آئی کے حکم پر کمیٹی بھی تشکیل دی گئی تھی، مذاکرت کی جب بات ہوئی ہم نے تعاون کیا، ماضی میں مذاکرات کا عمل آگے نہیں بڑھ سکا تھا۔
بیرسٹر گوہر نے کہا کہ اپوزیشن لیڈر کا نوٹیفکیشن جاری کرنے پر اسپیکر کا شکریہ ادا کرتے ہیں، محمود خان اچکزئی اپوزیشن کی بھرپور نمائندگی کریں گے۔
انھوں نے کہا کہ محمود اچکزئی نے آج اپنی نشست مکمل کرلی ان کا شکریہ ادا کرتے ہیں، اپوزیشن لیڈر کے بغیر جمہوریت ایوان مکمل نہیں۔
چیئرمین پی ٹی آئی نے کہا کہ محمود اچکزئی اپوزیشن کے متفقہ لیڈر ہیں، اپوزیشن اب ایک نئے سفر کا آغاز کرے گی۔
بیرسٹر گوہر کا 8 فروری کو پورے ملک میں شٹرڈاؤن اور پہیہ جام ہڑتال کا اعلان
اے آر وائی نیوز کی ڈیجیٹل ڈیسک کی جانب سے شائع کی گئی خبریں