The news is by your side.

Advertisement

مذکرات کامیاب، گرینڈ ہیلتھ الائنس کا او پی ڈیز کھولنے کا اعلان

کراچی: سندھ حکومت سے مذاکرات کامیاب ہونے کے بعد گرینڈ ہیلتھ الائنس نے اپنا احتجاج ختم کرنے کا اعلان کردیا۔

تفصیلات کے مطابق 14 دن کے احتجاج کے بعد گرینڈ ہیلتھ الائنس اپنے تمام مطالبات منوانے میں کامیاب ہوگئے، صوبائی وزرا سعید غنی اور ناصر حسین شاہ سے کامیاب مذاکرات کے بعد گرینڈ ہیلتھ الائنس نے اوپی ڈیز کھولنے کا اعلان کر دیا۔

گرینڈ ہیلتھ الائنس کے ڈاکٹر محبوب کا کہنا ہے کہ سندھ بھر میں کل سے تمام سرکاری اسپتالوں میں او پی ڈیز کھول دی جائیں گی، تمام ہیلتھ ورکر کو مارچ2020 سے ہیلتھ رسک الاؤنس دیا جائے گا۔

ڈاکٹر محبوب کا کہنا ہے کہ کورونا سے متاثرہ عملے کے لئے الگ آئسولیشن وارڈ قائم کیا جائے گا،اسپتالوں کی سیکورٹی پر کوئی سمجھوتہ نہیں ہوگا جو بھی پرتشدد کارروائیوں میں ملوث ہوگا ان کے خلاف کارروائی ہو گی۔

انہوں نے کہا کہ میڈیکل عملے کے گریڈ 11 سے 12 میں ترقی اور ڈاکٹرز کی گریڈ 17 سے 18 میں فوری طور پر پروموشن دی جائے گی جب کہ اگلے دو ہفتوں میں فنانس ڈویژن سے گرینڈ ہیلتھ الائنس کے تمام مطالبات کے نوٹیفکیشن جاری ہوں گے۔

Comments

یہ بھی پڑھیں