site
stats
پاکستان

پڑوسی ممالک الزامات کے بجائے دہشت گردوں کے خلاف کارروائی کریں، آرمی چیف

راولپنڈی: آرمی چیف آف اسٹاف جنرل قمر جاوید باجوہ نے کہا ہے کہ دہشت گردوں کا کوئی مذہب، فرقہ یا نسل نہیں ہوتی، پاک فوج نے ہمیشہ دہشت گردوں کے خلاف بلاتفریق کروائی کی، خطے کے فریقین دہشت گردی کو ختم کرنے کے لیے الزام تراشی کے بجائے عملی اقدامات کریں۔

نیشنل سیکیورٹی اینڈ وار کورس کے شرکاء سے خطاب کرتے ہوئے جنرل قمر جاوید باجوہ نے کہا کہ بڑے خطرے سے نمٹنے کے لیے قومی مربوط حکمتِ عملی اپنانے کی ضرور ہے، پاک فوج بھرپور جواب کے لیے ریاست کے تمام اداروں سے ساتھ رابطے میں ہے۔

انہوں نے کہا کہ دہشت گردوں کا کوئی مذہب، فرقہ یا نسل نہیں، پاکستان نے ہمیشہ دہشت گردوں کے خلاف بلاامتیاز و تفریق کارروائی کی اور دہشت گردوں کے خلاف جنگ لڑی۔

آرمی چیف آف اسٹاف نے کہا کہ آپریشن ردالفساد کے تحت ملک سے دہشت گردی کا مکمل خاتمہ کردیا جائے گا، پاک فوج مادر وطن کے دفاع اور تحفظ کیلئے تیار ہے، پڑوسی ممالک  اپنی ذمہ داریوں سے نظریں چرا کر دہشت گردوں کو شکست نہیں دے سکتے اس لیے بہتر ہے کہ خطے کے فریقین دہشت گردی کے خاتمے کےلیے الزام تراشی کے بجائے اپنی ذمہ داریاں ادا کریں۔

آئی ایس پی آر اعلامیے کے مطابق سپہ سالار کے نیشنل سیکیورٹی اینڈ وارکورس پہنچنے پر این ڈی یو کے صدر لیفٹیننٹ جنرل رضوان اختر نے استقبال کیا اور آرمی چیف نے ملک کو درپیش داخلی و بیرونی چیلنجز سے بھی آگاہ کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top