The news is by your side.

نیپال طیارہ حادثہ: فلائٹ اٹینڈنٹ کی حادثے سے قبل کی ویڈیو

نیپال کے پوکھارا انٹرنیشنل ایئرپورٹ کے قریب ایک بدنصیب مسافر طیارہ گر کر تباہ ہوگیا تھا جس کے نتیجے میں 72 مسافر جان کی بازی ہار گئے تھے۔

طیارے میں موجود فلائٹ اٹینڈنٹ کی طیارے ٹیک آف سے پہلے کی ایک ٹک ٹاک ویڈیو سامنے آئی ہے۔

فلائٹ اٹینڈنٹ اوشن الی نیپال کی ایک مشہور ٹک ٹوکر بھی تھیں، وہ اس مہلک حادثے میں ہلاک ہونے والے چار کیبن کریو میں شامل تھیں۔

سوشل میڈیا پر وائرل ہونے والی ویڈیو میں ایئر ہوسٹس کو طیارے میں مسکراتے ہوئے اور پوز دیتے ہوئے دیکھا گیا ہے۔

بیٹی کو کہا تھا آج مت جاؤ، والد فلائٹ اٹینڈنٹ

رپورٹس کے مطابق اوشن کے والد کا کہنا ہے کہ حادثے والے دن تہوار کے موقع پر بیٹی کو کہا کہ آج کام پر مت جاؤ۔

فلائٹ اٹینڈنٹ کے والد نے بتایا کہ بیٹی نے میر ی بات پر جواب دیا کہ وہ 2 فلائٹس مکمل کرکے واپس گھر آکر تہوار منائے گی۔

بھارتی میڈیا کے مطابق مرنے والی اوشن 4 بہن بھائیوں میں سب سے بڑی بیٹی تھی جبکہ اس کی 2 سال پہلے شادی ہوئی تھی۔

Comments

یہ بھی پڑھیں