nepra نیپرا کا کراچی کے شہریوں کو جھٹکا، فی یونٹ75پیسہ اضافہ k-electric-bills
The news is by your side.

Advertisement

نیپرا کا کراچی کے شہریوں کو جھٹکا، فی یونٹ 75 پیسے اضافہ

کراچی : نیپرا نے اہلیان کراچی کو بڑا جھٹکا لگادیا، کے الیکٹرک کے صارفین پر پچھتر پیسے فی یونٹ اضافہ کردیا گیا، کے الیکٹرک کے لیے کراچی میں لوڈشیڈنگ کے خاتمے کی شرط بھی ختم کردی گئی۔

تفصیلات کے مطابق شہر قائد میں بجلی تو باقاعدگی سے آتی نہیں البتہ ہر ماہ بھاری بھرکم بل ضرور آجاتے ہیں، لیکن اب شہریوں کی پریشانیوں میں مزید اضافہ ہوگیا۔

کراچی والوں کے ہاں لائٹ یا آئے نہ آئے، اب بل مزید بھاری بھرکم آئےگا۔ نیپرا نے کراچی والوں کو دھیرے سے زور دار کرنٹ کا جھٹکا ماردیا۔

بجلی کی قیمت میں چپکے سے فی یونٹ پچھتر پیسے کا اضافہ کردیا گیا، بجلی کو ترستے اہلیان کراچی پہلے ہی کے الیکٹرک کے لمبے چوڑے بلوں سے پریشان تھے کہ نیپرا نے بجلی گراکر رہی سہی کسر بھی پوری کردی جس پر شہری بلبلا اٹھے۔


مزید پڑھیں: نیپرا نے پول کھول دیا، 2018 میں بھی لوڈ شیڈنگ جاری رہے گی


نیپرا نے ٹیرف میں مذکورہ اضافہ سات سال کے لئے کیا ہے، نئے ٹیرف کے مطابق ماہانہ تین سو یونٹس استعمال پر پندرہ پیسے فی یونٹ کا اضافہ اور سات سو یونٹ کے استعمال پر ٹیرف میں سولہ روپے تیس پیسے فی یونٹ کا اضافہ کیا گیا ہے۔ ذرائع کے مطابق کے الیکٹرک کے لیے کراچی میں لوڈشیڈنگ کے خاتمے کی شرط بھی ختم کردی گئی ہے۔

Comments

comments

یہ بھی پڑھیں