The news is by your side.

نیپرا اتھارٹی کا ملک میں ہونیوالے بلیک آؤٹ کا سخت نوٹس

اسلام آباد : نیپرا اتھارٹی نے ملک میں ہونیوالے بلیک آؤٹ کا سخت نوٹس لیتے ہوئے این ٹی ڈی سی سے رپورٹ طلب کر لی۔

تفصیلات کے مطابق نیپرا اتھارٹی نے ملک میں ہونیوالے بلیک آؤٹ کا سخت نوٹس لے لیا اور این ٹی ڈی سی سے رپورٹ طلب کر لی۔

ترجمان نیپرا نے کہا ہے کہ اس سے قبل ملک میں بلیک آؤٹ،ٹاور گرنے کے واقعات پرجرمانےہوچکےہیں اور مستقبل میں ایسےواقعات روکنے کیلئےنیپرامسلسل ہدایات جاری کرتا رہا ہے۔

یاد رہے آج صبح نیشنل گرڈ میں خرابی کے باعث بجلی کے بڑے بریک ڈاؤن کے باعث کراچی سمیت مختلف شہروں میں بجلی کی فراہمی معطل ہوگئی۔

صبح سات بج کر چونتیس منٹ پر نیشنل گرڈ کی سسٹم فریکوئنسی کم ہوئی جس سے بجلی کے نظام میں وسیع بریک ڈاؤن ہوا۔

جس کے باعث تربیلا اور منگلا ڈیم سے پن بجلی کی پیداوار پانچ سومیگاواٹ بجلی کی فراہمی لوڈ بڑھنے پر بند ہوگئی جبکہ ٹرپنگ سےگدو،جام شورو، مظفر گڑھ، حویلی شاہ بہادراور بلوکی پاور پلانٹس بھی بند ہوگئے، جس کے بعد بجلی کی ترسیل کے نظام کو بچانے کیلئے این پی سی سی کا فیوز بند کرنا پڑا۔

Comments

یہ بھی پڑھیں