The news is by your side.

Advertisement

کراچی کے صارفین کی اووربلنگ شکایت کیلئے عارضی مرکز قائم نہیں کیا، نیپرا کی تردید

کراچی: نیشنل الیکٹرک پاور ریگولیٹری اتھارٹی (نیپرا) نے کراچی میں بجلی کے مسائل اور شکایات کے حل کے لیے دفتر کھولے جانے کی خبروں کی تردید کردی۔

اے آر وائی نیوز کی رپورٹ کے مطابق ترجمان نیپرا کا کہنا ہے کہ کراچی کے صارفین کی اووربلنگ شکایت کے لیے عارضی مرکز قائم نہیں کیا، الیکٹرانک اور سوشل میڈیا میں چلنے والی خبر درست نہیں ہے۔

ترجمان نیپرا کے مطابق نیپرا نے ایسا کوئی اعلامیہ جاری نہیں کیا ہے، ان خبروں کی سختی سے تردید کرتے ہیں۔

یہ پڑھیں: نیپرا نے کے الیکٹرک کیخلاف شکایتی مرکز کھول لیا

نیپرا کے ترجمان کا کہنا ہے کہ شکایات درج کرانے کے لیے ریجنل آفس 2013 سے کام کررہا ہے، صارفین کی سہولت کے لیے ریجنل آفس ہفتہ، اتوار بھی کھلا رہے گا، کے الیکٹرک صارفین شکایات کے ازالہ کے لیے ریجنل آفس سے رجوع کریں۔

واضح رہے کہ اس سے قبل یہ خبر سامنے آئی تھی کہ نیپرا نے کراچی میں مرکز کا افتتاح کرکے عوام کو ریلیف دینے کے لیے آپریشن کا آغاز کردیا ہے۔

یاد رہے کہ چند روز قبل نیپرا نے شہر قائد میں بجلی فراہم کرنے کی ذمہ دار کمپنی کے الیکٹرک کی جانب سے اوورلوڈشیڈنگ اور دیگر عوامی شکایات کا سخت نوٹس لیتے ہوئے عوامی سماعت کی تھی جب کہ کے الیکٹرک کی کارکردگی کو جانچنے کے لیے انکوائری کمیٹی بھی تشکیل دی گئی تھی۔

Comments

یہ بھی پڑھیں