بجلی صارفین پر 35 ارب کا اضافی بوجھ ڈالنے کی حکومت نے تیاریاں کر لیں۔
مہنگائی سے پریشان عوام کے لیے بجلی 3 روپے 49 پیسے فی یونٹ مزید مہنگی ہونے کا امکان ہے۔ سینٹرل پاور پرچیزنگ ایجنسی (سی پی پی اے) نے اپریل کی ماہانہ فیول پرائس ایڈجسٹمنٹ کی مد میں درخواست دائر کر دی ہے۔
نیپرا سی پی پی اے کی درخواست پر 30 مئی کو سماعت کرے گی۔
درخواست میں کہا گیا ہے کہ اپریل میں فرنس آئل ، ڈیزل سے بجلی پیدا نہیں کی گئی جب کہ پانی سے 22.96 فیصد اور مقامی کوئلے سے 10.19 فیصد بجلی پیدا کی گئی۔
مقامی گیس سے 11.28 درآمدی ایل این جی سے24.97 فیصد بجلی پیدا کی گئی جب کہ اپریل میں جوہری ایندھن سے 23.64 فیصد بجلی پیدا کی گئی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں