site
stats
پاکستان

نیپرا کے الیکٹرک کی نا اہلی سے بے خبر

کراچی: کے الیکٹرک کے خلاف درخواست پر نیپرا حکام نے عجیب منطق پیش کردی۔ نیپرا کا کہنا ہے کہ کے الیکٹرک کےخلاف شکایت آئے تو کارروائی کریں گے۔ نیپرا کے مؤقف پر سندھ ہائیکورٹ کے جج جسٹس عرفان سعادت نے سخت سوالات کر ڈالے۔

نیپرا کو خبر ہی نہیں کے الیکٹرک نے کراچی والوں کی زندگی عذاب بنا رکھی ہے۔ سندھ ہائیکورٹ میں نیپرا وکیل کی وضاحت نے سب کو حیران کردیا۔

کے الیکٹرک کی غیر اعلانیہ لوڈ شیڈنگ کے خلاف شہری کرامت علی کی درخواست پر سماعت ہوئی۔ جسٹس عرفان سعادت نے نیپرا کے وکیل سے استفسار کیا کہ نیپرا کے الیکٹرک کے خلاف خود کارروائی کا اختیار نہیں رکھتی؟

نیپرا وکیل نے عدالت کو بتایا کہ ادارے کے خلاف نیپرا کے پاس کوئی شکایت آئے گی تو کارروائی کریں گے۔

مزید پڑھیں: کراچی والے بدستور اندھیروں میں سحری کرنے پر مجبور

نیپرا وکیل سے مکالمے میں جسٹس عرفان نے دریافت کیا کہ آپ اتنے لاچار ہیں کارروائی کے لیے شکایت کا انتظار کر رہے ہیں؟

عدالت نے ریمارکس دیے کہ اگر نیپرا ذمہ داری پوری کر رہا ہوتا تو درخواست کی نوبت نہ آتی۔ جسٹس عرفان سعادت کے استفسار پر کے الیکٹرک کے سربراہ ڈسٹری بیوشن نے عدالت کو یقین دلایا کہ نیپرا کی ہدایات پر عمل کرنے کو تیار ہیں۔

عدالت نے کے الیکٹرک کے خلاف درخواست پر فیصلہ محفوظ کرلیا۔


Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top