tariff نیپرا کا نیا ٹیرف ترقیاتی منصوبوں پراثراندازہوگا، ترجمان کے الیکٹرک
The news is by your side.

Advertisement

نیپرا کا نیا ٹیرف ترقیاتی منصوبوں پراثراندازہوگا، ترجمان کے الیکٹرک

کراچی : ترجمان کے الیکٹرک نے کہا ہے کہ نیپرا کا تعین کردہ ٹیرف ترقیاتی منصوبوں پر اثر انداز ہوگا، مستقبل کے پراجیکٹس میں دشواری اور لوڈشیڈنگ میں اضافے کا خدشہ ہے، کے الیکٹرک حکام تکنیکی جائزے کے بعد اپنی حکمت عملی کا تعین کریں گے۔

تفصیلات کے مطابق کے الیکٹرک نے نیپرا سے ملٹی ایئرٹیرف کو15روپے70پیسےرکھنے پر برقرار رکھنے کی درخواست کی تھی جسے نیپرا نے مسترد کردیا۔

اس حوالے سے ترجمان کے الیکٹرک کا کہنا ہے کہ نیپرا کا متعین کردہ ملٹی ایئر ٹیرف بظاہر سرمایہ کاری کیلئے موزوں نہیں۔

ترجمان نے مزید کہا کہ کے الیکٹرک متعین کردہ ملٹی ایئر ٹیرف کا تکنیکی جائزہ لے رہا ہے تاہم واضح رہے کہ یہ فیصلہ صارفین کی بجلی کی قیمتوں پر اثر انداز نہیں ہوگا اور بجلی صارفین کے نرخوں میں کوئی ردوبدل نہیں کیا گیا۔

ترجمان کے الیکٹرک کا کہنا ہے کہ 900 میگا واٹ کے جاری پراجیکٹ کے لیے جو ٹیرف دیا گیا ہے اس پر ہمیں تحفظات ہیں، اس لیے ٹیرف کی کمی کے باعث 900 میگا واٹ پاور پلانٹ کے منصوبے میں سرمایہ کاری کو نقصان ہوگا۔


مزید پڑھیں: نیپرا کا کراچی کے شہریوں کو جھٹکا، فی یونٹ 75 پیسے اضافہ


ترجمان کا کہنا تھا کہ جو نیا ٹیرف ملا ہے وہ کے الیکٹرک کی توقعات کے مطابق نہیں ہے۔ ذرائع کے مطابق نئے ٹیرف سے کے الیکٹرک کو نقصان ہوگا، جس کے باعث نئے منصوبوں میں کی جانے والی سرمایہ کاری اب کھٹائی میں پڑ جائے گی۔

Comments

comments

یہ بھی پڑھیں