The news is by your side.

Advertisement

کے الیکٹرک پر جرمانے کے بعد نیپرا کا عوام کو بڑا جھٹکا

اسلام آباد : نیپرا نے بجلی کی قیمتوں میں 86 پیسے فی یونٹ اضافے کردیا، بجلی کی قیمتوں میں اضافے سے صارفین پر 10 ارب روپے کا اضافی بوجھ پڑے گا۔

تفصیلات کے مطابق چیئرمین نیپرا کی صدرات میں بجلی کی قیمتوں میں اضافے کیلئے درخواستوں پرسماعت ہوئی ، جس میں بجلی کی قیمتوں میں 86 پیسے فی یونٹ اضافے کی منظوری دے دی، اضافہ ماہانہ فیول ایڈجسٹمنٹ کی مدمیں کیا گیا۔

سی پی پی اے نےماہانہ فیول ایڈجسٹمنٹ کی مدمیں اضافے کی درخواست دی تھی، بجلی کی قیمتوں میں اضافے سےصارفین پر 10 ارب روپے کا اضافی بوجھ پڑے گا۔

گذشتہ روز کراچی میں بدترین لوڈشیڈنگ پر نیپرا نے ایکشن لیتے ہوئے کےالیکٹرک پر بیس کروڑکاجرمانہ عائدکردیا تھا ، نیپرا کا کہنا تھا کے الیکٹر ک نےکراچی میں لوڈشیڈنگ کی حد نہیں چھوڑی تھی، کے الیکٹرک پر جرمانہ جون،جولائی میں لوڈشیڈنگ پرعائدکیاگیا۔

نیپرا نے مزید کہا تھا کہ کے الیکٹرک نے ہدایات ان سنی کی، قوانین کی خلاف ورزی کی، کے الیکٹرک لائسنس کی شرائط وضوابط پوری کرنے میں ناکام رہا۔

Comments

یہ بھی پڑھیں