نیپرا کا بجلی کی قیمت میں سولہ پیسے کمی کا اعلان -
The news is by your side.

Advertisement

نیپرا کا بجلی کی قیمت میں سولہ پیسے کمی کا اعلان

کراچی: نیپرا نے بجلی کی قیمت میں سولہ پیسے کمی کی منظوری دے دی ہے۔

نیپرا میں کے الیکٹریک کی جانب سے بجلی کی قیمتوں میں کمی کیلئے درخواست کی تھی، سماعت کے بعد نیپرا نے بجلی کی قیمت میں سولہ پیسے کمی کی منظوری دے دی، کمی اپریل کیلئے ماہانہ فیول ایڈجسٹمنٹ کی مد میں کی گئی ہے ۔

کے الیکٹریک کے مطابق مقامی زرائع سے بجلی کی پیداوارسستی پڑی ہے، اس سے پہلے مارچ کے فیول ایڈ جسٹمنٹ کی مد میں نیپرا نےتین روپے چھاسی پیسے کمی کی تھی۔

دوسری جانب گزشتہ روز نیپرا حکام کا کہنا تھا کہ موجودہ سسٹم کے ساتھ بجلی کے بحران پر قابو نہیں پایا جاسکتا، اتھارٹی نے اسٹیٹ آف انڈسٹری رپورٹ میں بتایا کہ ناقص ٹرانسمشن لائنز سے بجلی کی فراہمی متاثرہوتی ہے۔

نیپرا کے مطابق موجودہ ٹرانسمیشن نظام فرسودہ ہے، آلٹرن انرجی پلانٹ سے دو سال میں ستائیس سومیگاواٹ سے بجلی ضائع ہوئی، اینگرو پاورپلانٹ بھی قومی خزانے پر بوجھ بن گیا، نیپرا کے مطابق سالانہ آٹھ کروڑ روپے کا نقصان ہورہاہے۔

Comments

comments

یہ بھی پڑھیں