یروشلم: دو ماہ سے بھی کم عرصے میں پندرہ ہزار فلسطینیوں کے خون سے ہاتھ رنگنے والے صہیونی وزیر اعظم نیتن یاہو نے ایک اور دھمکی دے دی۔
غیر ملکی میڈیا رپورٹس کے مطابق اسرائیلی وزیر اعظم نیتن یاہو نے دھمکی دیتے ہوئے کہا ہے کہ عارضی جنگ بندی ختم ہونے پر پوری طاقت سے غزہ پر حملہ کریں گے۔
اسرائیلی وزیر اعظم بنجمن نیتن یاہو کا کہنا تھا کہ امریکی صدر جو بائیڈن کو بتا دیا ہے کہ عارضی جنگ بندی ختم ہونے کے بعد اسرائیل پوری طاقت کے ساتھ غزہ پر حملے شروع کرے گا۔
- Advertisement -
یو این سیکریٹری جنرل نے توسیع ناکافی قرار دے دی، غزہ میں مستقل جنگ بندی کا مطالبہ
واضح رہے کہ 7 اکتوبر سے غزہ میں جاری اسرائیلی بمباری میں اب تک 14 ہزار 850 سے زائد فلسطینی شہید اور 36 ہزار سے زائد زخمی ہو چکے ہیں۔ دوسری طرف مصیبت زدہ غزہ کے شہریوں کو مزید دو روز کا سکون مل گیا ہے، کیوں کہ غزہ جنگ میں دو روز کی توسیع کر دی گئی ہے۔
