تل ابیب (08 فروری 2026): اسرائیلی وزیر اعظم نیتن یاہو کی سیکیورٹی ٹیم کے سابق سربراہ ایمی درور نے ایک پوڈکاسٹ میں یاہو خاندان کے حوالے سے ہوش رُبا انکشافات کیے ہیں۔
70 ہزار سے زائد فلسطینیوں کو قتل کرنے والے وحشی فطرت اسرائیلی وزیر اعظم نیتن یاہو کی اہلیہ چور اور بیٹا سخت نافرمان نکلا ہے، ان کے سیکیورٹی چیف نے اس خاندان کے ایسے شرم ناک راز کھولے ہیں کہ انھیں جان کر لوگ عبرت پکڑیں گے۔
ایمی درور نے بتایا کہ نیتن یاہو کے بیٹے یائر نے ایک بار اپنے والد پر حملہ کر دیا تھا جس کے بعد اسے امریکا کے شہر میامی منتقل ہونے پر مجبور کیا گیا، یہ حملہ اس نوعیت کا تھا کہ سیکیورٹی کو مداخلت کرنی پڑ گئی تھی۔
Former Netanyahu security chief says:
"Sara Netanyahu, the Prime Minister’s wife, has an obsession with stealing towels from hotels — and she does it repeatedly."
"She steals gifts, towels, everything — then asks the hotels about the missing items, and we end up discovering… pic.twitter.com/jXHzgVrK6N
— Dr.Sam Youssef Ph.D.,M.Sc.,DPT. (@drhossamsamy65) February 7, 2026
سابق سیکیورٹی چیف نے نیتن یاہو کی اخلاقیات پر سوال اٹھاتے ہوئے کہا کہ وہ ریستورانوں میں بل ادا نہیں کرتے تھے اور اخراجات اپنے عملے یا محافظوں پر ڈال دیتے تھے۔
یہی نہیں، بلکہ ان کی اہلیہ سارہ کے بارے میں انکشاف کیا کہ وہ ’’چوری کے جنون‘‘ (Kleptomania) میں مبتلا ہیں، سارہ نے ہوٹلوں سے تولیے اور ریاست کی ملکیت والے تحائف چرائے۔
Ami Dror, former head of Benjamin Netanyahu’s personal security, revealed shocking details about the prime minister’s household.
In a podcast interview with Israeli journalist Miki Levin, Dror said Yair Netanyahu "assaulted his father," describing it as "not a karate punch,… pic.twitter.com/bxbWG16DNr
— Al Mayadeen English (@MayadeenEnglish) February 7, 2026
ایمی درور کے مطابق حالیہ برسوں میں سارہ گھر میں طاقت کا اصل مرکز بن چکی ہیں، انھوں نے ہی نیتن یاہو کو ’’پلی بارگین‘‘ سے روکا تاکہ وہ با اثر عہدے پر برقرار رہ سکیں، کیوں کہ وہ اپنے بیٹے یائر کو والد کا جانشین بنتا دیکھنا چاہتی ہیں۔
پوڈکاسٹ میں ایمی درور نے یہ بھی بتایا کہ نیتن یاہو اکثر اپنی بیوی اور بیٹے کے غصے سے بچنے کے لیے خود کو کمرے میں بند کر لیتے تھے۔ سابق سیکیورٹی چیف نے خواہش ظاہر کی کہ نیتن یاہو کو انصاف کے کٹہرے میں لا کر جیل بھیجا جائے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں