لندن: نیوزی لینڈ کی ٹیم نے آخرکار ورلڈ کپ جیت کر تاریخ رقم کردی۔
تفصیلات کے مطابق انگلش سرزمین پر نیوزی لینڈ کی مرد ٹیم کو ورلڈ کپ نہ جیت سکی البتہ ان کی خواتین ٹیم نے نیٹ بال کا ورلڈ کپ جیت لیا۔
کیوی ویمن نیٹ بال کی ٹیم کی کامیابی پر نیوزی لینڈ کے کرکٹرز بھی خوشی سے جھوم اٹھے۔
کیوی کرکٹر جمی نیشم نے ویمنز نیٹ بال ٹیم کے ساتھ جیت کا بھرپور جشن منایا اور کرکٹ بھی کھیلی۔
Congratulations to our world champion @SilverFernsNZ . Very fortunate to be here in Liverpool to witness the victory… And celebrations!
— Jimmy Neesham (@JimmyNeesh) July 22, 2019
نیوزی لینڈ نیٹ بال ورلڈ کے فائنل میں آسٹریلیا کو سنسنی خیز مقابلے کے بعد 52-51 گول سے شکست دے کر تاریخ بنائی، نیوزی لینڈ نے پانچویں مرتبہ عالمی کپ جیتا ہے۔
واضح رہے کہ آسٹریلوی ویمنزنیٹ بال ٹیم گیارہ مرتبہ عالمی چیمپئن رہ چکی ہے۔
کیوی ویمن نیٹ بال ٹیم نے ٹاپ فور مرحلے میں انگلش ٹیم کو شکست سے دوچار کیا تھا، کیویز نے 47 اور انگلینڈ نے 45 گول اسکور کیے تھے۔
تیسری پوزیشن کے لیے کھیلے گئے میچ میں انگلینڈ ویمن نے جنوبی افریقہ ویمن کو ہرا کر کانسی کا تمغہ اپنے نام کیا۔
