نیٹ فلکس نے سبسکرائبرز کم ہونے پر درجنوں ملازمین کو نوکری سے نکال دیا۔
غیرملکی خبررساں ادارے کی رپورٹ کے مطابق ویڈیو اسٹریمنگ سائٹ نیٹ فلکس نے سبسکرائبرز کم ہونے پر امریکا میں اپنی تقریباً 150 ملازمتیں ختم کردیں جس سے عملے کو نوکری سے ہاتھ دھونا پڑا۔
نیٹ فلکس کے مطابق ملازمتوں میں کمی کا فیصلہ کمپنی کی آمدنی میں کمی کی وجہ سے کیاگیا ہے۔
رپورٹس کے مطابق یہ نہیں بتایا گیا کہ کمپنی کے کن ڈپارٹمنٹ میں ملازمتیں کم کی گئی ہیں لیکن لاس اینجلس ٹائمز کا کہنا ہے کہ کمیونیکیشن اور مواد کے شعبے بھی اس فیصلے سے متاثر ہوئے ہیں۔
کمپنی کے کچھ ملازمین نے اپنی ملازمت سے محروم ہونے کا آن لائن انکشاف بھی کیا۔
unfortunately i, too, was affected by the netflix layoffs today. it was a wild ride and i'm really proud of the work that i did, particularly being part of the @netflixgolden launch, and feel v. lucky i got to work with such brilliant people
— Madelyn Chung 鍾舒華✨ (@madelynchung) May 17, 2022
کمپنی نے ایک بیان میں کہا یہ تبدیلیاں بنیادی طور پر انفرادی کارکردگی کے بجائے کاروباری ضروریات سے ہوتی ہیں، جو انہیں خاص طور پر مشکل بناتی ہیں کیونکہ ہم میں سے کوئی بھی ایسے عظیم ساتھیوں کو الوداع نہیں کہنا چاہتا’۔
واضح رہے کہ رواں سال اپریل میں نیٹ فلکس کی جانب سے انکشاف کیا گیا تھا کہ 2022 کے پہلے تین مہینوں میں کمپنی کے تقریباً 2 لاکھ سبسکرائبرز کم ہوئے اور اس نے خبردار کیا کہ آنے والی سہ ماہی میں مزید 20 لاکھ سبسکرائبر کم ہونے والے ہیں۔
