The news is by your side.

بھارتی فرنچائز پی سی بی کی نقل کرنے پر تنقید کا نشانہ بن گئی

انڈین پریمیئر لیگ (آئی پی ایل) کی فرنچائز کو پاکستان کرکٹ بورڈ کی نقل کرنا مہنگا پڑ گیا۔

پاکستان کرکٹ بورڈ کی جانب سے دورہ ہالیںڈ اور ایشیا کپ کے لیے اسکواڈ کا اعلان پاسپورٹ پر کھلاڑیوں کی تصاویر چسپاں کرکے کیا گیا تھا جس میں کھلاڑیوں کے کوائف بھی درج تھے۔

پی سی بی کی جانب سے جاری اس ویڈیو کو صارفین نے بے حد پسند کیا تھا کیونکہ یہ آئیڈیا انتہائی منفرد تھا۔

جب سن رائزرز ایسٹرن نے لیگ کے لیے اسکواڈ کے اعلان کیا تو پی سی بی کا ہی انداز کاپی کیا جس پر سوشل میڈیا صارفین نے اسے پاکستان کی نقل قرار دیتے ہوئے آڑے ہاتھوں لے لیا۔

ایک صارف نے لکھا کہ ’آپ کسی کا آئیڈیا چراتے ہیں شرم آنی چاہیے۔‘

دوسرے صارف نے لکھا کہ ’آپ لوگ کاپی کرتے ہوئے کم از کم کریڈٹ ہی دے دیتے۔‘

Comments

یہ بھی پڑھیں