کراچی : وزیراعلیٰ سندھ مراد علی شاہ کا کہنا ہے سندھ میں 24 گھنٹے کے دوران551 نئے کیسز سامنے آئے اور مزید 22مریض انتقال کرگئے جبکہ کورونا سے متاثرہ 446مریضوں کی حالت تشویشناک ہے۔
تفصیلات کے مطابق وزیراعلیٰ سندھ مراد علی شاہ نے صوبے میں کورونا صورتحال پر بیان میں کہا کہ سندھ میں 24 گھنٹے کے دوران551 نئے کیسز سامنے آئے، جس کے بعد کورونا کے مجموعی کیسز کی تعداد 114104ہوگئی ہے۔
وزیراعلیٰ سندھ کا کہنا تھا کہ سندھ میں کورونا کےباعث مزید 22مریض انتقال کرگئے،جس کے بعد کورونا کے باعث انتقال کرنیوالوں کی تعداد 2041ہوگئی جبکہ مزید 1363 مریض صحتیاب ہوئے اور صوبے بھر میں 94297مریض صحتیاب ہوچکے ہیں۔
مراد علی شاہ نے کہا اس وقت 17766مریض زیر علاج ہیں اور کورونا سے متاثرہ 446مریضوں کی حالت تشویشناک ہے جبکہ 74 مریض وینٹی لیٹرز پر ہیں ، آج کراچی میں 324 نئے کیسز سامنے آئے ہیں۔
انھوں نے اپیل کی انسانی زندگیاں بچانے کیلئے لازمی طورپراپنی حفاظت کریں، عالمی وبا سے بچنے کیلئے ایس او پیز پر لازمی طور پر عمل کیا جائے۔
