The news is by your side.

Advertisement

وزیر خارجہ سے نجیب اللہ علی خیل کی ملاقات، افغان سفیر کی تعلقات کے فروغ کی یقین دہانی

اسلام آباد: پاکستان کے لیے افغانستان کے نئے سفیر نجیب اللہ علی خیل نے آج وزارت خارجہ میں شاہ محمود قریشی سے ملاقات کی، وزیر خارجہ نے نجیب اللہ کو بطور سفیر ذمہ داریاں سنبھالنے پر مبارک باد دی۔

تفصیلات کے مطابق آج نئے افغان سفیر نے وزیر خارجہ شاہ محمود سے ملاقات کی، افغان سفیر نجیب اللہ علی خیل نے وزیر خارجہ کا شکریہ ادا کرتے ہوئے پاک افغان تعلقات کے فروغ کے لیے اپنی بھرپور کاوشیں بروئے کار لانے کا یقین دلایا۔

ملاقات میں وزیر اعظم کے دورہ کابل، پاک افغان تعلقات اور افغانستان میں جاری امن عمل پر گفتگو ہوئی، وزیر خارجہ نے کہا پاکستان اور افغانستان کے مابین دیرینہ گہرے برادرانہ تعلقات ہیں۔

انھوں نے کہا نائجر میں او آئی سی وزرائے خارجہ کونسل کے سنتالیسویں اجلاس کے موقع پر میری افغان ہم منصب سے ملاقات ہوئی تھی، انھوں نے افعان امن عمل میں پاکستان کی کاوشوں کی تعریف کی تھی۔

شاہ محمود نے کہا پاکستان، افغانستان میں قیام امن کو خطے کے امن و استحکام کے لیے ناگزیر سمجھتا ہے، وزیر اعظم عمران خان کے دورہ کابل سے دونوں ممالک کے درمیان کثیر الجہتی شعبہ جات میں دو طرفہ تعاون کے فروغ کی راہیں ہموار ہوئی ہیں۔

Comments

یہ بھی پڑھیں