واشنگٹن: پی آئی اے کے لئے 16 نئے طیاروں کی خریداری میں اہم پیشرفت ہوئی ہے۔
وفاقی وزیرداخلہ محسن نقوی نے بوئنگ کمپنی کے ہیڈکوارٹرز کا دورہ کیا جس میں طیاروں کی خریداری پر بات کی گئی۔
وفاقی وزیرداخلہ کے ہمراہ پی آئی اے کی نئی مینجمنٹ کا وفد بھی شامل تھا جنہوں نے بوئنگ گلوبل کے صدر برینڈن نیلسن سے ملاقات کی۔
پی آئی اے کےلئے 16 نئے طیاروں کی خریداری میں اہم پیشرفت کے طور پر خریداری کے بہترین آپشنز پر بات چیت کی گئی۔
ملاقات میں بہترین ڈیل کو جلد از جلدحتمی شکل دینے پر اتفاق کیا گیا۔
وزیر داخلہ نے نئے طیاروں کی جلد خریداری کے لئے تعاون کی یقین دہانی پربوئنگ گلوبل کے صدر کا شکریہ ادا کیا۔ محسن نقوی نےطیارہ سازی کی صنعت میں بوئنگ کمپنی کے کلیدی کردار کو سراہا۔
