اسلام آباد: حکومت نے دہشت گردوں کے خلاف نیا قانون لانے کا فیصلہ کرلیا۔ سیکیورٹی ادارے ملزمان کو 90 دن تک تحویل میں رکھ سکیں گے۔
تفصیلات کے مطابق دہشت گردوں کی مکمل سرکوبی کے لیے حکومت نے تحفظ پاکستان اور انسداد دہشت گردی ایکٹ کو ملا کر نیا قانون لانے کا فیصلہ کرلیا ہے۔ وزارت داخلہ نے نئے قانون کا مسودہ تیار کرلیا۔
ذرائع کا کہنا ہے کہ قانون بننے کے بعد سیکیورٹی ادارے دہشت گردی میں ملوث ملزمان کو 90 دن تک تحویل میں رکھ سکیں گے۔
وزارت داخلہ کے ذرائع کے مطابق نئے قانون کے مسودے پر وزارت قانون سے مشاورت جاری ہے۔
واضح رہے کہ تحفظ پاکستان ایکٹ 15 جولائی 2014 کو 2 سال کے لیے بنایا گیا تھا۔
