The news is by your side.

Advertisement

کراچی : نئی قومی ایوی ایشن پالیسی کا اعلان کردیا گیا

کراچی : سیکریٹری ایوی ایشن شاہ رخ نصرت نے کہا ہے کہ نئی قومی ایوی ایشن پالیسی پی آئی اے اور نجی ایئر لائن سمیت ملکی فضائی صنعت کو ہونے والے نقصان کا مداوا کرنے ہر مبنی اقدامات کئے گئے ہیں۔

سول ایوی ایشن ہیڈ کواٹرز میں نجی ائرلائنوں کے نمائندوں کے ہمراہ پریس کانفرنس سے خطاب کرتے ہوئے سکریٹری ایوی ایشن نے کہا کہ نئی ایوی ایشن پالیسی کو مسافروں کو دی جانے والی سہولیات اور فوائد سے متعلق بنایا گیا ہے۔

ایوی ایشن پالیسی میں فی مسافر ایک ہزار روہے ایرو ناٹیکل چارجز کو ختم کر دیا گیا ہے، شاہ رخ نصرت کا کہنا تھا کہ نئی ایوی ایشن پالیسی میں سالانہ چار ارب کا ریلیف دیا گیا ہے جبکہ ایوی ایشن پالیسی میں سیاحت کے فروغ کے لئے چھوٹے طیاروں پر مبنی آپریشن کی حوصلہ افزائی کی گئی ہے۔

ایف بی آر اور کسٹم کو ایوی ایشن پالیسی کی کامیابی کے لئے ایک پلیٹ فارم پر اکٹھا ہونا پڑے گا،ایوی ایشن پالیسی میں ریگولیٹری قواعد و ضوابط میں تبدیل کی جا رہی ہے۔

سیکریٹری ایوی ایشن شاہ رخ نصرت نے شاہین ایئر لائن بند کرنے کو سازش قرار دیتے ہوئے کہا کہ شاہین ایئر کی بندش کی انکوائری کی جا رہی ہے جس کو جلد منظر عام پر لایا جائے گا۔

سیکریٹری ایوی ایشن کا مزید کہنا تھاکہ پاکستان میں سالانہ38لاکھ مسافر اندرون ملک سفر کرتے ہیں، پریس کانفرنس کے دوران نجی ایئر لائنز کے نمائندوں کی جانب سے قومی ایوی ایشن پالیسی پر اعتماد کا اظہار کیا گیا۔

مزید پڑھیں : وزیراعظم کا نئی ایوی ایشن پالیسی پر اظہار اطمینان، اجلاس میں پیش کرنے کی ہدایت

واضح رہے کہ وزیر اعظم عمران خان نے اجلاس کے دوران نئی ایوی ایشن پالیسی2019کے مسودے پر اظہار اطمینان کرتے ہوئے اسے وفاقی کابینہ کے آئندہ اجلاس میں پیش کرنے کی ہدایت دی تھی۔ اجلاس میں سیکریٹری ایوی ایشن شاہ رخ نصرت نے نئی ایوی ایشن پالیسی پر وزیر اعظم کو تفصیلی بریفنگ دی۔

Comments

comments

یہ بھی پڑھیں