site
stats
سندھ

نیا تعلیمی سال : نئی کتابوں کے حصول کیلئے طلبا وطالبات کو مشکلات

کراچی : سندھ میں نئے تعلیمی سال کے آغاز پر متعدد کتابیں مارکیٹ میں دستیاب نہیں ہیں، طلباو طالبات کے والدین نصابی کتب، کاپیاں اور یونیفارم نجی اسکولوں سے خریدنے پرمجبور ہیں۔

تفصیلات کے مطابق سندھ بھر کے اسکولوں میں امتحانات کے بعد طلباو طالبات کے امتحانی نتائج بھی آگئے ہیں، جس کے بعد اگلی کلاسوں جانے کے لئے بچوں کو نئی کتابیں درکار ہیں، کتابوں کے حصول کیلئے طلبا وطالبات کو مشکلات کا سامنا کرنا پڑرہا ہے۔

پرائیویٹ پبلشرز کی متعدد کتابیں مارکیٹ میں موجود نہیں، والدین شدید گرمی میں کتابوں کی تلاش کیلئے مختلف بازاروں کے چکر لگا رہے ہیں۔

والدین کی بڑی تعداد اسکول انتظامیہ سے زیادہ قیمت پرکتابیں خریدتی ہے، نیا تعلیمی سال نجی اسکولوں اور پبلشرز کیلئے منافع کا سیزن ہوتا ہے۔

مزید پڑھیں : کتابیں باہر سے خریدنے پر اسکول پرنسپل کا بچے پر تشدد

والدین کا کہنا ہے کہ حکومت اسکول انتظامیہ اورپبلشرز کو مناسب قیمتوں پر کتابوں کی فراہمی کیلئے پابند بنائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top