The news is by your side.

Advertisement

پنجاب میں کروناوائرس کے مزید نئے کیسز سامنے آگئے

لاہور: صوبہ پنجاب میں کروناوائرس کے مزید 223 نئے کیسز رپورٹ ہوئے اور 7 مریضوں کی اموات ہوئیں۔

تفصیلات کے مطابق ترجمان پرائمری اینڈسیکنڈری ہیلتھ کیئر پنجاب نے اپنی تازہ رپورٹ میں کہا ہے کہ گزشتہ 24 گھنٹوں کے دوران کرونا وائرس سے مزید7 مریض جاں بحق ہوئے جس کے بعد صوبے میں اموات کی تعداد 2ہزار277ہوگئی۔

رپورٹ کے مطابق پنجاب میں کرونا وائرس کے 223 نئے کیسز سامنے آئے، صوبے میں کرونا کے مریضوں کی تعداد ایک لاکھ ایک ہزار237ہوگئی ہے، اب تک 14لاکھ20ہزار471ٹیسٹ کیے جاچکے ہیں۔

پنجاب میں کرونا کو شکست دینے والوں کی تعداد 96ہزار989ہوچکی ہے۔

پاکستان میں کورونا سے مزید 13 اموات ، مجموعی تعداد 6 ہزار 614 تک جا پہنچی

خیال رہے کہ نیشنل کمانڈاینڈآپریشن سینٹر نے ملک میں کرونا کے حوالے سے تازہ ترین اعداد و شمار جاری کردیئے ہیں، جس میں بتایا گیا کہ ملک میں 24 گھنٹے میں کورونا کے 13 مریض جاں بحق ہوئے، جس کے بعد کرونا سے جاں بحق افراد کی تعداد 6ہزار 614 ہوگئی۔

این سی اوسی کا کہنا تھا کہ ملک میں 24 گھنٹے کے دوران 31 ہزار 862 کرونا ٹیسٹ کیے گئے، جس میں سے کرونا کے 756 مثبت کیسز سامنے آئے، جس کے بعد ملک میں کرونا کے مصدقہ کیسز کی تعداد 3 لاکھ 21 ہزار 218 تک جا پہنچی جبکہ کرونا وائرس کے 9 ہزار209 فعال کیسز ہیں۔

Comments

یہ بھی پڑھیں