The news is by your side.

Advertisement

نامزد چیف جسٹس انورظہیرجمالی آج اپنے عہدے کا حلف اٹھائیں گے

اسلام آباد :  چیف جسٹس جسٹس جواد ایس خواجہ عہدے کی مدت پوری ہونے پر ریٹائر ہوگئے ۔ نامزد چیف جسٹس آف پاکستان جسٹس انور ظہیر جمالی آج اپنے عہدے کا حلف اٹھائیں گے، وہ اکتیس دسمبر دو ہزار سولہ تک فرائض انجام دیں گے۔

سپریم کورٹ کے نئے چیف جسٹس انور ظہیر جمالی کا شمار پی سی او کے تحت حلف نہ اٹھانے والے ججز میں ہوتا ہے، انھوں نے تین نومبر دو ہزار سات کی ایمرجنسی میں پی سی او کے تحت حلف اُٹھانے سے انکار کیا، جس کی پاداش میں معزول کر دیئے گئے۔

وہ ایک مذہبی گھرانے سے تعلق رکھتے ہیں، تیس دسمبر انیس سو اکیاون کو حیدر آباد میں پیدا ہوئے، انیس سو اکہتر میں بیچلر کی ڈگری سندھ یونیورسٹی سے حاصل کی اور اسی جامعہ سے انیس سو تہتر میں قانون کی ڈگری لی، جس کے بعد آپ وکالت کے پیشے سے منسلک ہوگئے۔

آپ دو سال تک حیدرآباد سندھ لاء کالج میں لیکچرار بھی رہے، مئی انیس سو اٹھانوے کو سندھ ہائی کورٹ میں جج تعینات ہوئے، آپ ستائیس اگست دو ہزار آٹھ کو سندھ ہائی کورٹ کے چیف جسٹس بنے اور دو اگست دو ہزار نو تک فرائص سرانجام دیئے۔

آپ تین اگست دو ہزار نو کو سپریم کورٹ کے جج مقرر ہوئے، چیف جسٹس انور ظہیر جمالی قائمقام چیف الیکشن کمشنر بھی رہے۔

Print Friendly, PDF & Email

Comments

comments

یہ بھی پڑھیں