The news is by your side.

Advertisement

وزیر خارجہ کی نئے چینی سفیرکو پاکستان آمد اور منصب سنبھالنے پر مبارکباد

اسلام آباد : وزیر خارجہ شاہ محمود قریشی نے نئے چینی سفیر کو پاکستان آمد اور منصب سنبھالنے پر مبارکباد دیتے ہوئے وبائی چیلنج سے نمٹنے کیلئے معاونت پرچینی قیادت کا شکریہ ادا کیا۔

تفصیلات کے مطابق پاکستان میں چین کے نئے سفیرنونگ رونگ کی وزیر خارخہ شاہ محمودقریشی سے ملاقات ہوئی ، ملاقات میں دو طرفہ تعلقات،کورونا صورتحال،باہمی دلچسپی کےامورپرتبادلہ خیال کیا گیا۔

وزیر خارجہ نے کہا کہ پاکستان آمد اور بطور سفیر منصب سنبھالنے پر مبارکباد دیتا ہوں ، سفیرنونگ رونگ کی تعیناتی سےدو طرفہ تعاون کومزیدفروغ ملےگا۔

شاہ محمود قریشی کا کہنا تھا کہ پاکستان،چین کےمابین لازوال دوستی کوپوری دنیاجانتی ہے، پاکستان،چین نےہرمشکل وقت میں ایک دوسرےکی معاونت کی، وبائی چیلنج سےنمٹنے کیلئےمعاونت پرچینی قیادت کاشکریہ اداکرتا ہوں۔

وزیر خارجہ نے سی پیک سمیت باہمی دلچسپی کےمنصوبوں کوجلد پایہ تکمیل تک پہنچانےکیلئے عزم کا اعادہ کرتے ہوئے کہا سی پیک منصوبوں کی تیزترتکمیل کویقینی بنانےکیلئےاقدامات کیےجارہےہیں۔

ملاقات میں چینی سفیر کا کہنا تھا کہ دوطرفہ تعلقات کومزیدمستحکم بنانےکیلئےکردار ادا کروں گا۔

Comments

یہ بھی پڑھیں