The news is by your side.

Advertisement

وزیراعلیٰ پنجاب کا انتخاب: حکومتی اتحاد کا 189 ارکان اسمبلی کی حمایت حاصل ہونے کا دعویٰ

لاہور : پنجاب میں نئے وزیراعلیٰ کے انتخاب کیلئے حکومتی اتحاد نے 189 ارکان اسمبلی کی حمایت حاصل ہونے کا دعویٰ کردیا۔

تفصیلات کے مطابق پنجاب میں نئے وزیراعلیٰ کے انتخاب کیلئے جوڑ توڑ کا سلسلہ جاری ہے، حکومتی اتحادی امیدوار چوہدری پرویز الٰہی آج شو آف پاور کریں گے۔

حکومتی امیدوارچوہدری پرویزالٰہی نے رات گئے تک ارکان اسمبلی سے ملاقاتیں کیں ، ترجمان فیاض الحسن چوہان نے بتایا کہ ن لیگ کے بیشتر ناراض ارکان بھی رابطے میں ہیں۔

فیاض چوہان کا کہنا تھا کہ لیگی ارکان نے اپنے حلقوں میں منحرف ارکان کی آمد پر رابطے کئے، لیگی ارکان آئندہ انتخابات کیلئے ٹکٹ کا حصول یقینی چاہتے ہیں۔

گذشتہ روز پی ٹی آئی پنجاب کی قیادت سے ن لیگی ارکان اسمبلی کے ایک گروپ نے رابطہ کیا اور اسمبلی میں تعاون کے بدلے ٹکٹ کی یقین دہانی مانگ لی تھی۔

پی ٹی آئی نے ارکان کو آئندہ ساتھ چلنے کیلئے ضروری اقدامات کی یقین دہانی کراتے ہوئے کہا تھا کہ 16اپریل کو مخالفین کو بڑا سرپرائز دیں گے۔

Comments

یہ بھی پڑھیں