کراچی: صوبہ سندھ میں گزشتہ 24 گھنٹوں کے دوران کرونا وائرس کے مزید 289 کیسز رپورٹ ہوئے جس کے بعد مصدقہ کیسز کی مجموعی تعداد 3 ہزار 53 ہوگئی جبکہ اموات کی تعداد 66 ہوچکی ہے۔
تفصیلات کے مطابق ترجمان سندھ حکومت مرتضیٰ وہاب نے سماجی رابطے کی ویب سائٹ ٹویٹر پر اپنے ٹویٹ میں کہا کہ سندھ میں گزشتہ 24 گھنٹوں کے دوران کرونا وائرس کے مزید 289 کیسز رپورٹ ہوئے ہیں۔
ترجمان کا کہنا تھا کہ سندھ میں کرونا وائرس کے کیسز کی کل تعداد 3 ہزار 53 ہوگئی ہے۔ صوبے میں 24 گھنٹے کے دوران 2 ہزار 191 ٹیسٹ کیے گئے ہیں۔
The following information is relevant to assess the situation of #COVIDー19 in Sindh as of 21st April at 8 AM:
Total Tests 28249 (today 2191)
Positive Cases 3053 (today 289)
Recovered Cases 665
Total Deaths 66In the last 24 hours, 30 people have recovered from corona in Sindh
— SenatorMurtaza Wahab (@murtazawahab1) April 21, 2020
انہوں نے کہا کہ سندھ میں مجموعی طور پر 28 ہزار 249 ٹیسٹ کیے گئے ہیں، صوبے میں اب تک 66 افراد کرونا وائرس سے جاں بحق ہوئے ہیں۔
اپنے ٹویٹ میں انہوں نے مزید کہا کہ سندھ میں 24 گھنٹوں کے دوران کرونا وائرس کے 30 مریض صحتیاب بھی ہوئے ہیں، اب تک مجموعی طور پر سندھ میں 665 افراد صحت یاب ہوگئے ہیں۔
خیال رہے کہ نیشنل کمانڈ اینڈ آپریشن سینٹر کے مطابق ملک میں گزشتہ 24 گھنٹوں کے دوران کرونا وائرس کے 796 نئے کیسز رپورٹ ہوئے جس کے بعد ملک میں وائرس سے متاثر ہونے والے افراد کی تعداد 9 ہزار 216 ہوگئی ہے۔
این سی او سی کے مطابق ملک میں وائرس کی وجہ سے گزشتہ چوبیس گھنٹوں کے دوران مزید 11 اموات کے بعد مجموعی تعداد 192 ہوگئی ہے۔
