ریاض: سعودی عرب میں گزشتہ چوبیس گھنٹوں کے دوران بھی کورونا وائرس کے کم کیسز رپورٹ ہوئے۔
سعودی محکمہ صحت کے مطابق گزرے 24 گھنٹوں میں مملکت میں کورونا کے صرف 36 کیسز رپورٹ ہوئے اور ایک کووڈ 19 کے مریض کی موت واقع ہوئی۔
مملکت کے محکمہ صحت نے بتایا کہ کورونا کے نئے کیسز رپورٹ ہونے کے بعد سعودی عرب میں وبا سے متاثر ہونے والوں کی مجموعی تعداد 5 لاکھ 49 ہزار 479 ہوگئی ہے۔
گزشتہ چوبیس گھنٹوں کے دوران ایک کورونا مریض کے انتقال کے بعد مہلک وائرس سے جاں بحق ہونے والوں کی مجموعی تعداد 8 ہزار 824 ہوگئی۔
چوبیس گھنٹوں کے دورانیے میں 48 مریضوں نے وبا کو شکست بھی دی۔
سعودی عرب میں کورونا سے صحت یاب ہونے والوں کی مجموعی تعداد 5 لاکھ 38 ہزار 590 ہوگئی جبکہ فعال کیسز میں سے 49 مریضوں کی حالت تشویش ناک ہے۔
Comments
- Advertisement -