The news is by your side.

Advertisement

سعودی عرب سے اچھی خبر!

ریاض: سعودی عرب میں عالمی کورونا وبا پر کنٹرول برقرار ہے، گزشتہ چوبیس گھنٹوں کے دوران بھی کم کیسز رپورٹ ہوئے، مرحلہ وار یومیہ کیسز گھٹ رہے ہیں۔

عرب میڈیا کی رپورٹ کے مطابق مملکت میں گزشتہ چوبیس گھنٹوں کے دوران کووڈ19 کے صرف 45 کیسز ریکارڈ پر آئے اور دو مریضوں کی اموات ہوئیں، وبا سے متاثر ہونے والوں کی مجموعی تعداد 5 لاکھ 48 ہزار 711 ہوگئی۔

سعودی عرب میں اب تک 8798 کورونا مریض زندگی کی بازی ہار چکے ہیں۔

گزشتہ 24 گھنٹوں میں اڑتالیس مریض کورونا سے صحت یاب ہوئے، وبا کو شکست دینے والوں کی مجموعی تعداد 5 لاکھ 37 ہزار 653 ہوگئی ہے۔

مملکت میں کورونا کے فعال کیسز میں سے 59 مریضوں کی حالت تشویش ناک ہے۔

خیال رہے کہ سعودی وزارت صحت تقریباً افراد کو کورونا ویکسین کی پہلی خوراک فراہم کرچکی ہے جبکہ مرحلہ وار دوسری ڈوز لگانے کا سلسلہ بھی جاری ہے۔

Comments

یہ بھی پڑھیں