راولپنڈی (25 جنوری 2026): راولپنڈی کے نوجوانوں پر مشتمل ’’راولپنڈی ٹائیگرز‘‘ کے نام سے کرکٹ ٹیم تشکیل دینے کا اعلان کر دیا گیا ہے۔
وفاقی وزیر ریلوے محمد حنیف عباسی نے یہ اعلان پریس کانفرنس کرتے ہوئے کیا۔ ان کا کہنا تھا کہ پنڈی کے نوجوان کھلاڑیوں پر مشتمل ’’راولپنڈی ٹائیگرز‘‘ کے نام سے ایک کرکٹ ٹیم تشکیل دی جا رہی ہے، جس کے غیر معمولی تیز اور باصلاحیت بولر کو بیرون ملک تربیت پر بھیجا جائے گا۔
حنیف عباسی نے پریس کانفرنس کرتے ہوئے بتایا کہ اس مقصد کے لیے لاہور قلندرز کے زیر اہتمام 14 اور 15 فروری کو راولپنڈی ڈسٹرکٹ میں نوجوانوں کے لیے ٹرائلز منعقد کیے جائیں گے جو مکمل طور پر میرٹ کی بنیاد پر ہوں گے۔ اور راولپنڈی ٹائیگرز کو عالمی معیار کی ٹیم بنانے کے لیے بھرپور اقدامات کیے جائیں گے۔
وفاقی وزیر نے کہا کہ ٹرائلز میں کسی قسم کی سفارش قبول نہیں کی جائے گی اور شرکت کے لیے راولپنڈی کا ڈومیسائل ہونا لازمی ہو گا۔ انہوں نے بتایا کہ ٹرائلز کے بعد منتخب ہونے والے 20 باصلاحیت کھلاڑیوں کو تربیت کے لیے لاہور قلندرز کے ہائی پرفارمنس سینٹر بھیجا جائے گا۔
ان کا کہنا تھا کہ اگر ان نوجوانوں میں کوئی غیر معمولی تیز اور باصلاحیت باؤلر سامنے آیا تو اسے اپنے خرچ پر بیرون ملک بھی تربیت کے لیے بھیجا جائے گا۔
وفاقی وزیر نے کہا کہ بھرپور کوشش کی جائے گی کہ آئندہ تین سال میں راولپنڈی ٹائیگرز کو پی ایس ایل میں شامل کرایا جائے۔
انڈر 19 ورلڈ کپ کا سپر سکس مرحلہ: پاک بھارت ٹاکرے کی تاریخ سامنے آ گئی
ریحان خان کو کوچہٌ صحافت میں 25 سال ہوچکے ہیں اور ا ن دنوں اے آر وائی نیوز سے وابستہ ہیں۔ملکی سیاست، معاشرتی مسائل اور اسپورٹس پر اظہار خیال کرتے ہیں۔ قارئین اپنی رائے اور تجاویز کے لیے ای میل [email protected] پر بھی رابطہ کر سکتے ہیں۔