ایک سوتیس ارب کے نئے نوٹوں کا اجرا، عوام پھر بھی محروم -
The news is by your side.

Advertisement

ایک سوتیس ارب کے نئے نوٹوں کا اجرا، عوام پھر بھی محروم

کراچی: اسٹیٹ بینک نے عید الفطر کے لیے 130 ارب روپے کے نئے نوٹ جاری کردیئے لیکن عوام کی اکثریت پھر بھی نئےنوٹوں سےمحروم ہے جب کہ بلیک مارکیٹ میں نوٹوں کی کھلے عام فروخت جاری ہے لیکن اس حوالے سے کوئی کارروائی نہیں کی جارہی۔

تفصیلات کے مطابق عید آنے میں چند دن رہے گئے لیکن عوام نئے نوٹوں سے تاحال محروم ہیں اور نوٹوں کے لیے کمرشل بینکوں کے چکر لگانے یا بلیک مارکیٹ میں زائد رقم کے عوض نوٹ حاصل کرنے پر مجبور ہیں۔

دوسری جانب اسٹیٹ بینک کا کہنا ہے کہ عوام کو نئے نوٹوں کی فراہمی اولین ترجیح ہے، اس ضمن میں 24 دنوں میں 130 ارب روپے کے نئےنوٹ جاری کیے گئے ہیں تاکہ عوام مستفید ہوسکیں۔

قبل ازیں اسٹیٹ بینک آف پاکستان نے عوام کو نئے نوٹوں کے اجرا کے لیے ایس ایم ایس کی سروس دی تھی جس کے تحت نئے نوٹ حاصل کرنے کے خواہشمند فرد کو شارٹ کوڈ 8877 پر ایک ایس ایم کے ذریعے قریبی بینک سے نئے نوٹ حاصل کرنے تھے تاہم سروس چند روز قبل ختم ہوچکی۔

یہ بھی پڑھیں:اسٹیٹ بینک کی نئے کرنسی نوٹ جاری کرنے کیلئے ایس ایم ایس سروس

Comments

comments

یہ بھی پڑھیں