نئی دہلی میں لال قلعہ میٹرو اسٹیشن کے قریب سی این جی سلنڈر پھٹنے سے دھماکا ہوا ہے جس کے نتیجے میں 8 افراد ہلاک اور 12 زخمی ہوگئے۔
بھارتی میڈیا رپورٹ کے مطابق نئی دہلی ریڈ فورٹ میٹرو اسٹیشن کے قریب گاڑی میں سی این جی سلنڈر پھٹنے سے دھماکا ہوا جس کے نتیجے میں قریب کھڑی تین سے چار گاڑیاں تباہ ہوگئیں۔
فائر ڈپارٹمنٹ حکام کا کہنا ہے کہ دھماکا اسٹیشن کے گیٹ نمبر ون پر ہوا۔
دھماکے کے بعد ہائی الرٹ کردیا گیا تھا جبکہ 8 افراد ہلاک اور کئی افراد کے زخمی ہونے کی اطلاعات ہیں جنہیں طبی امداد کے لیے اسپتال منتقل کردیا گیا ہے۔
رپورٹ کے مطابق 7 فائر ٹینڈرز جائے وقوعہ پر آگ پر قابو پانے میں مصروف ہیں۔
دہلی پولیس بھی جائے وقوعہ پر پہنچ گئی ہے اور امدادی کارروائیاں شروع کردی گئی تھیں۔
#WATCH | A call was received regarding an explosion in a car near Gate No. 1 of the Red Fort Metro Station, after which three to four vehicles also caught fire and sustained damage. A total of 7 fire tenders have reached the spot. A team from the Delhi Police Special Cell has… pic.twitter.com/F7jbepnb4F
— ANI (@ANI) November 10, 2025
