The news is by your side.

Advertisement

کرونا کی وجہ سے نہیں‌ بلکہ… بھارتی سپریم کورٹ‌ کی لاک ڈاؤن کی تجویز

بھارت کی سپریم کورٹ نے نئی دہلی میں پھیلنے والی بدترین فضائی آلودگی سے شہریوں کو فوری بچانے کے لیے لاک ڈاؤن کی تجاویز دے دی۔

بھارت میں دیوالی کے بعد سے نئی دہلی سمیت مختلف شہروں کی فضا آلودہ ہے، دھوئیں کی وجہ سے شہری آشوب چشم اور سانس کے مسائل سے دوچار ہیں۔

نئی دہلی میں ہونے والی فضائی آلودگی کے پیش نظر جہازوں کی آمد و رفت کی تعداد کم کردی گئی ہے جبکہ گاڑیاں چلانے والوں کو ہدایت کی گئی ہے کہ غیرضروری طور پر ڈرائیو سے گریز کریں، مجبوری کی صورت میں گاڑی کی لائٹیں جلا کر رکھیں۔

شہریوں کو بھی ہدایت کی گئی ہے کہ خود کو فضائی آلودگی سے محفوظ رکھنے کے لیے گھروں سے باہر نہ نکلیں البتہ اگر ضروری ہو تو ماسک کا استعمال کریں۔

اب سپریم کورٹ نے نئی دہلی میں ہونے والی آلودگی سے شہریوں کو بچانے کے لیے فوری لاک ڈاؤن کی تجویز دی ہے۔ عدالت نے مرکزی حکومت کو تجویز دی کہ وہ دارالحکومت کو ہفتے میں دو روز بند رکھے۔

چیف جسٹس نے حکومت کو ہدایت کی کہ وہ ایئر انڈیکس کوالٹی کو بہتر بنانے کے لیے اقدامات اٹھائے تاکہ شہریوں کی زندگیوں کو محفوظ بنایا جاسکے۔

Comments

یہ بھی پڑھیں