The news is by your side.

Advertisement

فیکٹ چیک: کیا نئے کرنسی نوٹ جاری ہورہے ہیں؟ اسٹیٹ بینک نے بتادیا

کراچی: اسٹیٹ بینک آف پاکستان نے نئے کرنسی نوٹوں کے حوالے سے چلنے والی خبروں کو غلط قرار دے دیا ہے۔

تفصیلات کے مطابق اسٹیٹ بینک کی جانب سے جاری بیان کے مطابق سوشل میڈیا پر نئے کرنسی نوٹوں کے حوالے سے جعلی خبریں گردش کر رہی ہیں جن کی سختی سے تردید کی جاتی ہے۔

مرکزی بینک نے اپنے آفیشل ٹوئٹر اکاؤنٹ پر واضح کیا کہ فی الحال ایسی کوئی تجویز زیرِ غور نہیں ہے کہ پاکستان میں کرنسی نوٹ تبدیل کیے جائیں۔

واضح رہے کہ گزشتہ چند روز سے نئے کرنسی نوٹوں کی کچھ تصاویر سوشل میڈیا پر تیزی سے وائرل ہورہی تھی، جن کے بارے میں کہا جا رہا ہے کہ یہ پشاور کے ایک طالب علم نے ڈیزائن کیے ہیں جن کی اسٹیٹ بینک نے منظوری دے دی ہے۔

Comments

یہ بھی پڑھیں