تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سعودی عرب: متعدد فائیو اسٹار ہوٹل کھولنے کا منصوبہ

ریاض: سعودی عرب میں 12 ہالیڈے ان ایکسپریس ہوٹلز کھولنے کا منصوبہ بنایا گیا ہے جس کے لیے معاہدہ طے کرلیا گیا ہے، اس کا مقصد مملکت میں سیاحت کو زیادہ سے زیادہ فروغ دینا ہے۔

اردو نیوز کے مطابق سعودی عرب میں ہاسپٹلٹی اور سیاحت کے شعبے میں آئی جی ایچ ہوٹلز اینڈ ریزورٹس اور تشييد فار ہوٹل آپریشنز کے ساتھ ترقی اور سرمایہ کاری کی ایک نئی لہر دیکھنے کو ملے گی جس میں 1.3 بلین ریال کی لاگت سے 12 نئے ہوٹلوں کی تعمیر کے معاہدے پر دستخط کیے جائیں گے۔

معاہدے میں سعودی عرب میں 2500 کمروں پر مشتمل ہالیڈے ان ایکسپریس ہوٹلوں کی تعمیر شامل ہوگی جس کا پہلا سیٹ جون 2025 تک جدہ میں کھولا جائے گا۔

انڈیا، مشرق وسطیٰ اور افریقہ میں آئی جی ایچ ہوٹلز اینڈ ریزورٹس کے مینیجنگ ڈائریکٹر ہیثم مطر نے ایک بیان میں کہا کہ سعودی وژن 2030 نے ہاسپٹلٹی اور سیاحت کی صنعت کے لیے زبردست مواقع پیدا کیے ہیں، ہم مختلف حصوں میں اپنے برانڈز کی مانگ میں اضافہ دیکھ رہے ہیں۔

تشييد کے سی ای او برائے ہوٹل آپریشنز فالح معتصم حجاج نے ایک بیان میں کہا کہ ہم وژن 2030 کے مطابق سعودی عرب میں تیزی سے توسیع کے لیے آئی جی ایچ ہوٹلز اینڈ ریزورٹس کے ساتھ شراکت داری پر خوش ہیں۔

یہ معاہدہ سعودی عرب کی قومی سیاحت کی حکمت عملی کے مطابق ہے جس کا مقصد 2030 تک 100 ملین زائرین کو راغب کرنا اور مملکت کی مجموعی گھریلو پیداوار میں اس شعبے کی شراکت کو 10 فیصد سے زیادہ کرنا ہے۔

آئی جی ایچ ہوٹلز اینڈ ریزورٹس مملکت میں 5 برانڈز کے تحت 39 پراپرٹیز چلاتے ہیں جن میں انٹر کانٹینینٹل، کراؤن پلازہ، ہالیڈے ان، سٹے برج سویٹس اور ووکو شامل ہیں۔

اس کے علاوہ اس کے 30 ہوٹل تعمیراتی پائپ لائن میں ہیں جو اگلے 3 سے 5 سالوں میں اپنے کام کا آغاز کریں گے۔

Comments

- Advertisement -