نئے گورنر کی تعیناتی، تین لیگی رہنما سرفہرست new governor sindh
The news is by your side.

Advertisement

نئے گورنر کی تعیناتی، تین لیگی رہنما سرفہرست

اسلام آباد: نئے گورنر سندھ کی تعیناتی کے لیے لیگی رہنماؤں راحیلہ مگسی، نہال ہاشمی اور سلیم ضیا کے حتمی نام سامنے آگئے جنہوں نے آج اسلام آباد میں اسحق ڈار سے ملاقات کی ہے۔

اطلاعات کے مطابق سابق گورنر سعید الزماں صدیقی کے انتقال کے بعد سے نئے گورنر سندھ کی تعیناتی کے لیے ن لیگی رہنماؤں میں بھاگ دوڑ کا سلسلہ جاری ہے،لیگی رہنماؤں راحیلہ مگسی، نہال ہاشمی اور سلیم ضیا کے حتمی نام سامنے آگئے۔

اے آر وائی نیوز کے نمائندہ اسلام آبادشاہد میتلا کے مطابق تینوں امیدواروں نے آج اسلام آباد میں اسحق ڈار سے ملاقات کی ہے جس میں نئے گورنر کی تعیناتی پر بات چیت ہوئی، تینوں میں سے راحیل مگسی گورنر سندھ بننے کی زیادہ مضبوط امیدوار ہیں۔

رپورٹر کے مطابق تینوں امیدواروں میں سے کسی کا بھی ڈومیسائل کراچی کا نہیں ہے، تینوں کےڈومیسائل پنجاب کے بنے ہوئے ہیں۔

مزید اطلاعات ہیں کہ وزیر خزانہ اسحق ڈار کل کراچی پہنچیں گے اور گورنر سندھ کی تعیناتی کے حوالے سے مزید خبریں سامنے آئیں گی۔

واضح رہے کہ اس بات کا قومی امکان ہے ان تینوں افراد میں سے کسی ایک کی تعیناتی پر سیاسی جماعتیں اس بات پر اعتراض کرسکتی ہیں کہ سندھ یا کراچی کا ڈومیسائل رکھنے والے فرد کو گورنر کیوں نہیں بنایا گیا۔

Comments

comments

یہ بھی پڑھیں