The news is by your side.

Advertisement

سعودی حکومت کی شہریوں کے لیے نئی ہدایات

ریاض: سعودی عرب کے محکمہ صحت نے کروناوائرس کے پیش نظر شہریوں کے لیے نئی ہدایات جاری کردیں۔

عرب میڈیا کی رپورٹ کے مطابق سعودی محکمہ صحت نے احتیاطی تدابیر اپنانے پر زور دیتے ہوئے شہریوں کو کہا ہے کہ وہ ایک دوسرے سے ہاتھ ملانے سے گریز کریں جبکہ درجنوں شہریوں کا ایک جگہ جمع ہونا بھی مناسب نہیں ہے۔

’’ مختلف تقریبات سمیت ایک ساتھ 50 لوگوں کا جمع ہونا کروناوائرس کے پھیلاؤ کا سبب بن سکتا ہے۔ جبکہ شہریوں کے آپس میں ہاتھ ملانے سے بھی مہلک وائرس لوگوں میں منتقل ہونے کے امکانات ہیں‘‘۔

مذکورہ ہدایات کا مقصد وبائی مرض سے متعلق شہریوں کو آگاہی فراہم کرنا ہے تاکہ مملکت کے لوگ اپنی مدد آپ کے تحت بھی جان لیوا مرض سے بچیں۔ خیال رہے کہ سعودی عرب میں خصوصی پروگرام کے تحت شہریوں کو ماسک پہننے، ہاتھ دھونے اور لوگوں سے ہاتھ نہ ملانے پر زور دیا جارہا ہے۔

کرونا وائرس کےمہلک وار، ہلاکتوں میں اضافہ، نئے کیسز بھی رپورٹ

خیال رہے کہ کرونا وائرس کی وبا تاحال بے قابو ہے جس نے آج بھی کئی افراد کو متاثر کیا اور متعدد کی زندگیوں کا چراغ بجھا دیا۔ دنیا بھر میں کرونا وائرس سے مرنے والوں کی تعداد 4 ہزار نو سو ترانوے کے قریب پہنچ گئی جبکہ نئے کیسز بھی رپورٹ ہوئے جس کے بعد تعداد ایک لاکھ چونتیس ہزار سے تجاوز کر گئی ہے۔

fb-share-icon0
Tweet 20

Comments

comments

یہ بھی پڑھیں