لندن: برطانیہ میں نئے امیگریشن قوانین کا آغاز ہوگیا، دنیا بھر سے ویزے کے خواہش مند افراد خصوصی پوائنٹس سسٹم کے تحت ویزا حاصل کر سکیں گے۔
تفصیلات کے مطابق برطانیہ میں نئے امیگریشن قوانین کے تحت ویزے کے اجرا کا نیا پوائنٹس سسٹم متعارف کرایا گیا ہے۔ نئے نظام کے ذریعے آج سے ہی آن لائن ویزے کا آغاز ہوگیا۔
برطانیہ کے یورپ سے انخلاء کے بعد یہ پوائنٹس سسٹم متعارف کروایا گیا ہے۔
وزارت داخلہ کا کہنا ہے کہ ملازمت کے ویزوں کو آسان اور لچکدار بنایا گیا ہے۔ خیال رہے کہ ملازمت کے ویزوں کے لیے جاب آفر میں انگلش زبان اور 25,600پاؤنڈ تنخواہ کی شرائط رکھی کی گئیں۔
برطانیہ کی نئی ویزا پالیسی، ہنر مند افراد کے لیے اہم فیصلہ
نئے سال کے آغاز سے برطانیہ اور یورپ کے درمیان بغیر ویزا آمدورفت بند ہو جائے گی۔ جبکہ برطانیہ میں موجود یورپی افراد مستقل رہائشی اسکیم سے فائدہ اٹھا سکیں گے۔
واضح رہے کہ برطانیہ میں نئے امیگریشن قوانین کے تحت ویزوں کے لیے یورپ سمیت دنیا بھر سے ہنرمند افراد کو ترجیح دی جائے گی۔ اس طرح دیگر ممالک کے شہری ملازمت اور ویزے کی سہولت سے فائدہ اٹھا سکتے ہیں۔
