The news is by your side.

Advertisement

نیو اسلام آباد ایئرپورٹ: ورثاء کو اپنے پیاروں کی میتوں کے حصول میں مشکلات کا سامنا

اسلام آباد : نیو اسلام آباد ایئرپورٹ پر پی آئی اے کے کارگو عملے نے بے حسی کا مظاہرہ کرتے ہوئے ورثاء کو اپنے پیاروں کی میتیں کا حصول مشکل بنادیا، لوگ میتوں کے حصول کیلئے مارے مارے پھرتے ہیں۔

تفصیلات کے مطابق نیو اسلام آباد ایئرپورٹ پر بیرون ملک سے آنے والی میتیں ورثاء کے حوالے نہ کرنا معمول بن گیا، ورثاء اپنے پیاروں کی میتیں حاصل کرنے کیلئے بے یارو مددگار ہوگئے۔

نیو اسلام آباد ایئرپورٹ بننے کے بعد بلند و بانگ دعوے کئے گئے تھے کہ مسافروں کو ہرقسم کی سہولت فراہم کی جائے گی، ورثا کو میتیں ایمبولینس لے جانے کیلئے بھی کوئی سروس فراہم نہیں کی جارہی۔

عملہ خاموش تماشائی بن کر نظارے کرنے لگا، مانچسٹر سے اسلام آباد آنیوالی پرواز پی کے702کے ذریعے پہنچنے والی میت ورثاء کیلئے مشکل کا سبب بن گئی۔

ورثاء نے جب پی آئی اے کے عملے سے مدد طلب کرنا چاہی تو عملے نے مدد کرنے سے انکار کردیا، جس پر ورثاء نے انتظامیہ اورعملے کے رویے کیخلاف احتجاج بھی کیا، اس موقع پر مظاہرین اور عملے کے درمیان تلخ کلامی بھئی ہوئی۔

اس حوالے سے ترجمان پی آئی اے کا کہنا ہے کہ اسلام آباد کے نئے ایئرپورٹ پر پروازوں کا رش اور میتوں کی بیک وقت زیادہ تعداد میں آمد کے باعث میتوں کی لواحقین کے حوالے کرنے میں تاخیر ہوئی ہے، ہم میتوں کی تاخیر سے حوالگی پر لواحقین سے معذرت چاہتے ہیں۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Print Friendly, PDF & Email

Comments

comments

یہ بھی پڑھیں