The news is by your side.

Advertisement

چوتھی منزل سے گر کر شدید زخمی ہونے والا خوش قسمت کتا

نیویارک: امریکا کی ریاست نیوجرسی میں واقع عمارت کی چوتھی کے فلیٹ سے کتے نے نیچے چھلانگ لگا دی جس کے بعد وہ بجلی کے کھمبے میں بری طرح پھنس کر زخمی ہوگیا۔

امریکی میڈیا رپورٹس کے مطابق نیوجرسی اپارٹمنٹ کی چوتھی منزل کے ایک فلیٹ سے  اتوار کے روز کتے (لبی) نے کھڑکی سے نیچے چھلانگ لگادی تھی جس کو تشویشناک حالت میں جانوروں کے اسپتال منتقل کیا گیا۔

پولیس حکام کے مطابق لبی نے کھڑکی سے چھلانگ لگائی تو وہ نیچے موجود بجلی کے کھمبے میں پھنس گئی تھی، جس کے باعث اُس کا جبڑا ٹوٹ گیا تھا۔

علاقہ مکینوں نے حکام کو مدد کے لیے طلب کیا اور زمین سے 20 فٹ کی بلندی پر پھنسی لمبی کو  ریسکیو کروا کے اسپتال منتقل کروایا۔ ڈاکٹرز نے ابتدائی ٹیسٹ اور ایکسرے کیے تو اُس میں یہ بات بھی سامنے آئی کہ لمبی کا اگلا دائیاں پاؤں بھی ٹوٹ گیا تھا۔

مزید پڑھیں: راستہ بھول کر صحرا میں آجانے والے کچھوے کی خوش قسمتی

ڈاکٹرز نے اگلے یعنی پیر کے روز لمبی کی سرجری کی جو کامیاب رہی، اس ضمن میں مالکن نے بھی تصدیق کی کہ کتیا کی طبیعت اب بہتر ہے اور اُسے اسپتال سے گھر منتقل کردیا گیا۔

مالکن کے مطابق لمبی گھر پر اکیلی تھی اور وہ اُس روز کھڑکی بند کرنا بھول گئیں تھیں، جس کی وجہ سے حادثہ پیش آیا۔ فائر بریگیڈ محمکے کے آفیسر کا کہنا تھا کہ ممکنہ طور پر لمبی نے بھوک کی وجہ سے کسی پرندے پر جھپٹنے کی کوشش کی ہوگی مگر وہ اپنا توازن برقرار نہ رکھ سکی اور پھر نیچے گر گئی۔

Comments

comments

یہ بھی پڑھیں