The news is by your side.

Advertisement

سندھ حکومت کا سرکاری محکموں میں ملازمین بھرتی کرنے کا فیصلہ

کراچی: سندھ حکومت نے سرکاری محکموں میں ملازمین بھرتی کرنے کا فیصلہ کر لیا ہے، وزیرِ اعلیٰ سندھ نے نئی بھرتیوں کی منظوری دے دی۔

تفصیلات کے مطابق سندھ کے بے روزگار نوجوانوں کے لیے خوش خبری آ گئی، حکومتِ سندھ نے نئی بھرتیاں کرنے کا فیصلہ کر لیا جس کے لیے وزیرِ اعلیٰ سندھ مراد علی شاہ نے منظوری بھی دے دی ہے۔

پہلے مرحلے میں محکمۂ صحت، دوسرے مرحلے میں محکمۂ تعلیم میں بھرتیاں کی جائیں گی۔

ذرائع کے مطابق سرکاری محکموں میں ملازمین کی بھرتیاں مرحلہ وار کی جائیں گی، پہلے مرحلے میں محکمۂ صحت میں بھرتیاں کی جائیں گی۔

دوسرے مرحلے میں محکمۂ تعلیم میں بھرتیاں کی جائیں گی، جنوری 2019 میں محکموں میں بھرتیوں کا عمل یقینی بنایا جائے گا۔

محکمۂ صحت ایک سے 16 گریڈ تک بھرتیاں کرے گا، 17 گریڈ کے ڈاکٹروں کی بھرتیاں کنٹریکٹ پر کی جائیں گی، جب کہ ڈاکٹروں سے ٹیسٹ و انٹرویوز تھرڈ پارٹی سے کرائے جائیں گے۔

بھرتی کے لیے ڈاکٹر سندھ پبلک سروس کمیشن کے مقابلے کا امتحان دینے کا پابند ہوگا، ایک سے 16 گریڈ کی بھرتیاں مقامی سطح پر بھی کی جائیں گی، جن کے اختیارات ضلعی صحت افسر کے سپرد کر دیے گئے ہیں۔


یہ بھی پڑھیں:  بےروزگاری کے خاتمے کیلئے اقدامات کیے جارہے ہیں: گورنرسندھ


خیال رہے کہ ایک ہفتہ قبل گورنر سندھ عمران اسماعیل نے بھی کہا تھا کہ صوبے میں بے روزگاری کا خاتمہ حکومت کی ترجیحات میں شامل ہے، اس کے لیے اقدامات کر رہے ہیں۔

Comments

comments

یہ بھی پڑھیں