The news is by your side.

Advertisement

نئےکراچی پولیس چیف کا پولیس کی کالی بھیڑوں کیخلاف پہلا حکم

کراچی : نئےکراچی پولیس چیف غلام نبی میمن پولیس کی کالی بھیڑوں کی فہرست تیار کرنے کاحکم دے دیا اور ہدایت کی تمام متعلقہ افسران فوری طور پر فہرست بنا کر ارسال کریں۔

تفصیلات کے مطابق نئے کراچی پولیس چیف غلام نبی میمن نے پولیس کی کالی بھیڑوں کیخلاف پہلا حکم دیتے ہوئے پولیس ملازمین کی فہرست تیار کرنے کی ہدایت کردی، اے ڈی آئی جی اسٹیبلشمنٹ دہری شہرت پر فہرست مرتب کریں گے۔

کراچی پولیس چیف کی جانب سے ایسٹ،ویسٹ اورساؤتھ زون کےڈی آئی جیزکو خط لکھاگیا جبکہ ڈی آئی جی سی آئی اے،ایس ایس پی محافظ فورس کوبھی خط ارسال کیا گیا ہے۔

خط میں ہدایت کی ہے کہ تمام متعلقہ افسران فوری طورپرفہرست بناکرارسال کریں۔

یاد رہے گذشتہ ہفتے ایڈیشنل انسپکٹر جنرل (آئی جی) کراچی ڈاکٹر امیر شیخ کو ان کے عہدے سے ہٹا کر غلام نبی میمن کو کراچی پولیس چیف تعینات کیا گیا تھا۔

ایڈیشنل آئی جی کراچی ڈاکٹر امیر شیخ نے تقرری کے بعد اپنی مدت بھی پوری نہیں کی، ان کی تقرری کی مدت ملازمت ڈیڑھ سال بنتی ہے۔ امیر شیخ 11 ماہ قبل کراچی پولیس چیف بنے تھے۔ ذرائع کا کہنا تھا کہ ارشاد رانجھانی کیس کے بعد سندھ سرکار امیر شیخ سے سخت ناراض تھی۔

Comments

comments

یہ بھی پڑھیں